O PROXECTO LÓVA DO CPI SAN SADURNIÑO FINALISTA NA VII EDICIÓN DO “CONCURSO DE BBPP EDUCATIVAS”

A Asociación “Mejora tu Escuela Pública” convocou a VII edición do seu concurso de Boas Prácticas Educativas, no que podían participar as experiencias educativas levadas a cabo durante o curso 2015-16 en centros públicos do Estado Español.

A Asociación “MEP” é unha asociación promovida por profesores, directivos, pais e nais da escola pública, de carácter civil, recoñecida de Utilidade Pública , que busca contribuír á mellora do ensino público.

O CPÎ San Sadurniño presentou ao concurso o Proxecto Lóva desenvolvido durante o curso 2015-2016 nos cursos de sexto de infantil e quinto de primaria, consistente na formación dunha compañía de ópera para crear e producir unha ópera orixinal

Presentáronse 240 centros de toda España e aínda que non fomos un dos centros premiados, o traballo “Unha ópera na escola. Proxecto Lóva. CPI San Sadurniño” aparece na acta como un dos oito traballos finalistas dentro da modalidade A - Centros de Infantil, Primaria e Educación Especial.

Na acta do xurado do 12 de xaneiro de 2017 faise referencia á grande calidade dos traballos presentados nesta convocatoria e que o proxecto do noso centro, igual que os outros finalistas, “é merecedor de recoñecemento público e así contribuír á difusión e posible réplica destas prácticas noutros centros, para a contribución e mellora da calidade da escola pública”

http://www.mejoratuescuelapublica.es/buenas-practicas/otras-buenas-practicas/secundaria/item/1875-acta-fallo-del-jurado-vii-convocatoria-del-concurso-de-bbpp-educativas.html

A NOTICIA NA PRENSA

LA VOZ DE GALICIA

DIARIO DE FERROL

WEB DO CONCELLO DE SAN SADURNIÑO

O PROXECTO LÓVA NA PRENSA: DIARIO DE FERROL

O PROXECTO LÓVA NA PRENSA: LA VOZ DE GALICIA

QUE ARRECENDO!!!

A compañía Bombiglobo estivo a facer galletas. As familias axudaron na elaboración e o personal do comedor da escola prestó o seu lugar de traballo e deu todas as facilidades. Así dá gusto! Que ganas de comelas! Pero non pode ser... Son para vender e así financiar a ópera.

Antes calcularon os gastos

AS VISITAS DOS PROFESIONAIS

Dende o mes de outubro estamos a recibir visitas de expertos que informan aos rapaces das diferentes profesións que interveñen nunha ópera. Estiveron con nós os membros da Compañía Cazasoños e algúns de Pegadas Musicais. Cazasoños falaron da súa experiencia participando en LÓVA o curso pasado.

A Compañía Bucanero comparteu un anaco da mañá do luns para falar sobre todo do traballo de intérprete. Os cativos e mais os mestres pasámolo moi ben e aprendemos moitas cousas novas.

O martes pola tarde estivo Nacho Iglesias explicando o chulo que resulta escribir, o que sinte o escritor cando ve a súa obra representada no escenario e o efecto que iso produce noutra xente.

Tamén nos visitaron Elena Beceiro e Adrián Castro, alumnos que formaron parte da compañía Pegadas Musicais, e que nos contaron como foi a súa experiencia como directora de escena e como director de produción.

Roberto Grandal estivo con nós para achegarnos un pouco máis a todo o que ten que ver co traballo de produción. Preparamos un corto que dura un minuto e pasámolo xenial, ademais de aprender moitísimo sobre todo o proceso de produción. Esperamos máis visitas! Axúdannos a elexir profesión con máis coñecemento.

A COMPAÑÍA XA TEN NOME: "BOMBIGLOBO, COMPAÑÍA DE ÓPERA"

Despois de moito pensar en quen son como individuos e como compañía, facer propostas e debater... Chegaron a chamarse BOMBIGLOBO. Este nome deriva de "Bombilla dos pensamentos" e "Os globos".Estas dúas metáforas, iluminar coas ideas e elevarse durante o proceso da ópera a medida que se solta o lastre, foron unidas para ter o nome. BOMBIGLOBO COMPAÑÍA DE ÓPERA. O pasó seguinte é buscar logotipo, para iso analizaron como son os logos.

Ver Aquí están os deseños... Cal será o elexido?

LÓVA SANSA